Үги кызын көчләгән

30 яшьлек адәм актыгы үзенең җиденче класста укучы үги кызын көчләгән.

Ул үзеннән биш яшькә олырак булган ике балалы хатынга өйләнгән. Боларның тагын ике баласы туган. 27 ноябрьдә иң кечкенә кызларының туган көнен бәйрәм иткәннән соң, бу ир 13 яшьлек үги кызын әнисе йоклаган бүлмәгә алып кергән һәм берәү дә күрмәгән арада, көчләргә тотынган. Кызчык, әнисен уятырга теләп, кычкырырга тотынган. Нәтиҗәдә, бу хәшәрәт полициягә озатылган. Тикшерү барышында аның үги кызына бәйләнүе беренче мәртәбә генә булмаганлыгы ачыкланган.