Чиркәүгә дә тынгы юк

Кемнәрдер мәчетләргә, чиркәүләргә барып, Алладан туганнары һәм якыннары өчен саулык-сәламәтлек сорап, дога укыйлар һәм хәер бирәләр, ә кайберәүләр исә әнә шул хәергә калдырылган акчаны урлап чыгуны гөнаһка да санамый.
Беркайда да эшләми торган 35 яшьлек адәм актыгы Красный Ключтагы чиркәүгә форточкадан кереп, чиркәү кибетеннән 1740 сумлык көмеш муенсаны, шулай ук, хәергә биреп калдырылган акчаны да урлап чыккан.
Прокурор ярдәмчесе Айрат Бикмурзин әйтүенчә, караклык өчен инде берничә мәртәбә хөкем ителгән, эчүчелек белән мавыгучы адәмгә бу юлы биш елга кадәр иректән мәхрүм ителү яный. Алла җәзасыннан курыкмаган бу бәндәне төрмә газабының куркытуы икеле...