Мәктәпкә 100 ел

Красный Ключ бистәсендә беренче мәктәп төзелүнең 100 еллыгын үткәрделәр. Архив белешмәләрендә язылганча мәктәп Октябрь революциясенә кадәр, атаклы сәүдәгәр Стахеев кушуы буенча төзелгән.

Беренче елларда биредә укытучыларны әзерләү курслары уздырыла. 100 ел эчендә мәктәп 4 мәртәбә урынын алыштыра. Хәзерге бина 80 нче елларда төзелгән. Чакырылган кунаклар арасында да күп кеше бар иде.

Концерт вакытында зур куаныч һәм соклану хисләре булды. Ә иң дулкынландыргыч мизгелләр - ветераннарны котлау. Чәчәк бәйләмнәре, җылы сүзләр һәм җырлар - барысы да алар өчен.