Авыл сулышы рубрикасы буенча яңалыклар
-
Түбән процентлы ипотека бирәләр
Авылларны үстерү, яшәтү максатыннан, анда йорт җиткерер өчен озакламый ташламалы кредитлар бирелә башлый. Һәм бу проект март аеннан эшләп китәргә мөмкин.
-
Агы да, карасы да...
Түбән Кама районы авылларында халык җыеннары башланды. Беренчесе Түбән Уратма авылында узды. Җыеннар турында алдан ук хәбәр ителсә дә, мәдәният йорты залы, кызганычка, яртылаш кына тулган иде. Югыйсә, авыллары язмышы турында борчылган кешеләр активрак булсалар да ярый.
-
Теләгең булса, мөмкинлек бирелә
Шушы көннәрдә, Зур Афанас авылында Түбән Кама районы фермерлары очрашып, узган елга нәтиҗә ясадылар, агымдагы елга планнар билгеләделәр, шулай ук үзләрен борчыган сорауларын да җиткерделәр. Фикер алышуда район башкарма комитеты җитәкчесенең беренче урынбасары Радмир Беляев, район башкарма комитеты җитәкчесенең урынбасары Альфред Нигъмәтҗанов, «Россельхозбанк» банкы вәкиле һ.б. катнаштылар.
-
Дәүләт тә ярдәм итәчәк
Түбән Кама районы халкы үзара салым буенча референдумда катнаша. Әлегә ул Шәңгәлче һәм Афанас авыл җирлекләрендә генә узды. Сайлау участоклары иртүк ачылып, кичке сәгать 8гә кадәр эшләде.
-
Урып-җыю төгәлләнде
Түбән Кама муниципаль районы башлыгы Айдар Метшин авыл җирлекләре башлыклары белән киңәшмә үткәрде.
-
Рәхмәт сиңа, мөгаллимем
Һәр укучының яраткан укытучысы була. Сагынып искә ала, аның турында балаларына, оныкларына сөйли торганы. Менә минем дә шундый укытучым булды. 1929 елның 30 июнендә районыбызның кечкенә генә Би авылында туган Рәкыйп абый Сөләйманов ул. Быел аңа 90 яшь тулды.
-
Хезмәтенә күрә хөрмәте
Районыбыз басуларында урып-җыю тулы куәткә дәвам итә. Хәзерге вакытта бөртекле-кузаклы культураларның гомуми мәйданының 9582 гектары (41 проценты) урып-суктырылган. Ындыр табакларына барлыгы 33800 тонна ашлык кайтарып урнаштырылган. Һәр гектардан уртача 35,4 центнер уңыш чыга.
-
Зурлап үткәргәннәр
Районыбызда Питрау бәйрәмен уздырдылар. Петр һәм Павел көне алдыннан православие динендәгеләр өч атна буе пост тотты.
-
Чәчү техникасын тикшерделәр
«Язның бер көне ел туйдыра» диләр халыкта. Язгы чәчүгә ишарә ителгән әлеге гыйбарәнең мәгънәсе бик киң. Чәчү кампаниясе уңышлы булса, чыннан да, табыннарыбыз ел буе икмәктән өзелмәс. Ә чәчүнең уңышлы баруына игенчеләрнең тырышлыгы да, техниканың әзерлек дәрәҗәсе дә, чәчү өчен орлыкларның җитешле һәм сыйфатлы булуы да уңай йогынты ясый.
-
Фермер булырга теләсәң, мөмкинлекләр зур
Бүгенге көндә авыл хуҗалыгы җитештерү комплексы үсешендә хуҗалык итүнең кече төрләре әһәмиятле урын били. Киләчәктә авылларның тотрыклы үсүе нәкъ менә крестьян-фермер хуҗалыкларының, гаилә фермаларының нәтиҗәле эшләвенә бәйле. Инде берничә ел дәвамында районыбызда әлеге юнәлештә эшчәнлек алып барыла. Максат – авыл җирлекләрендә кече эшмәкәрлекне киңрәк колач белән җәелдерү, авыл халкының активлыгын арттыру. Районыбыз авылларындагы фермер хуҗалыклары эшчәнлеге белән таныштыру өчен муниципаль район башкарма комитеты җитәкчесе урынбасары Альфред НИГЪМӘТҖАНОВка (фотода) берничә сорау белән мөрәҗәгать иттек.
-
Су да, асфальт та – барысы да бар
Кызыл Чапчак авыл җирлегендә исәп-хисап җыелышы узды. Җирлек башлыгы Бәгъдәнур Илдарханов узган ел башкарылган эшләр турында сөйләде.
-
«Тәмле» әңгәмә узды
Олы Аты авылы клубында хатын-кызлар өчен «Ак түти» аралашу клубы эшли башлады. Китапханәчебез Лидия Марсовна әйтүенчә, монда хатын-кызларны кызыксындырган темаларга, мәсәлән, «Файдалы киңәшләр», «Кул осталары белән аралашу», «Пешекчеләр белән очрашу» һ.б. темаларга әңгәмәләр узачак. Шулай ук авылдагы гореф-гадәтләр турында сөйләшәчәкләр.
-
Чөгендер – шикәр заводына, кукуруз – силоска
Түбән Кама районы авыл хезмәтчәннәре бөртекле һәм кузаклы-бөртекле культураларның уңышын тулысынча җыеп, амбарларга урнаштырдылар. Ләкин бу басу-кырларда эш бетте, дигән сүз түгел.
-
Урып-җыю һәм чәчү бергә бара
Кичә алынган мәгълүматлардан күренгәнчә, район басуларында бөртекле-кузаклы культураларның гомуми мәйданының 68 проценты урып-суктырылган.
-
1 сентябрьгә тәмамларга исәплиләр
Бүген авылда эшнең бик кызу чагы. Кырда өлгергән ашлыкны югалтуларсыз җыеп алырга, малларны кышлатуга җитәрлек күләмдә азык запасы булдырырга кирәк. Механизаторлар алдында тагын бер мөһим бурыч тора, ул – көзге чәчү өчен җир әзерләү.
