Республикада икенче

Балигъ булмаганнар белән эшләүче инспекторлар арасында Казанда уздырылган республика һөнәри осталык конкурсында Түбән Кама эчке эшләр идарәсе хезмәткәре Евгения Фәрхуллина икенче урынны алган.
Конкурста Татарстан шәһәрләреннән һәм районнарыннан 38 хезмәткәр - 23 хатын-кыз һәм 15 ир-ат көч сынашкан. Алар ату һәм физик әзерлек, беренче медицина ярдәме күрсәтү, шулай ук, Россия законнарын һәм ведомство боерыкларын белү буенча сынау узганнар. 16 елга якын Түбән Кама эчке эшләр идарәсендә эшләгән полиция майоры Евгения Фәрхуллинаның 38 кеше арасында икенче урынны алуы - зур уңыш.