Түбән Камада сугышчы-интернационалистлар истәлеге комплексы

Тасвирлама:
Сугышчы-интернационалистларга һәйкәл Түбән Камада 2016 елда куелды. Аны ачу тантанасы Әфганстаннан гаскәрләрне чыгаруга 27 ел тулган көнне булды.
Адресы:
Түбән Кама шәһәре, Төзүчеләр пр. (1 нче квартал)

Мемориалда ак таш өстенә ял итәргә утырган солдат сурәтләнә, аның кулында автомат. Элек биредә сугышчы-интернационалистларга багышланган стела куелган иде. Ул 1994 елда урнаштырылды. Монументның архитекторы — Габдулла Тукай исемендәге премия иясе Фирдәвис Ханов, рәссам — Владимир Мәхмүтов. Әфганстанда Түбән Каманың 14 кешесе һәлак булган, Чечняда — 20 кеше. Аларның исемнәре мемориалның бер өлеше булган диварга уеп язылган. Сугышчы-интернационалистлар истәлегенә куелган комплекс Төзүчеләр проспектындагы 1 нче гомуми белем бирү мәктәбе янында урнашкан.