«Туган як» чәршәмбе һәм җомга көннәрендә чыгачак

Янәшәдәге колонкада «Газетаның киләсе саны 4 декабрьдә, чәршәмбе көнне чыга» дигән язуга игътибар итми калмагансыздыр. Шунысын да искәртәбез: хәзер инде «Туган як»ның киләсе саны гына түгел, атна башындагы һәр саны чәршәмбедә чыгачак. Бу елның 1 декабреннән, почта хезмәткәрләренең эш режимына үзгәрешләр кертелүгә бәйле рәвештә, авылларда почтальоннарның ял көннәре безнең газета таратыла торган сишәмбе көненә туры килү сәбәпле, газета чыгу көнен сишәмбедән чәршәмбегә күчерергә мәҗбүрбез. Димәк, алга таба сезгә «Туган як»ны һәр атнаның чәршәмбе һәм җомга көннәрендә китерәчәкләр.
Әлеге үзгәрештән соң газета-журналларны тарату яхшырыр дип өметләник.