Җырчы Фирдүс Тямаев җитди операция кичергән

Татарстанның атказанган артисты Фирдүс Тямаевның уң аягына җитди операция ясаганнар. Бу хакта ул үзенең подписчикларына сөйләде.

Җырчы сүзләренчә, операцияне Уфада ясаганнар, барысы да яхшы үткән. Операция 2,5 сәгать дәвам иткән.

Ике ел элек Тямаев бу аягына Германиядә операция ясаткан иде инде, ләкин ул нәтиҗә бирмәгән, шул ук урында киста барлыкка килгән. Алдагы ике айда артистка култык таяклары белән йөрергә туры киләчәк.