Тынгы белмәс ветеран

Россия Федераль салым хезмәтенең Татарстан Республикасы буенча 11 нче районара инспекциясендә дә өлкән хезмәттәшләре, шул исәптән лаеклы ялда булганнар турында да онытмыйлар. Элеккеге хезмәткәрләрне инспекциянең актлар залында узган тантаналы чарага чакырганнар. Җыелганнарны инспекция начальнигы Алексей Абакумов җылы сәламләде. 

Катнашучылар арасында Түбән Кама районы буенча салым инспекциясенең беренче начальнигы, Татарстан Республикасының Атказанган икътисадчысы, моннан шактый еллар элек, 60 яше тулгач лаеклы ялга киткән Мансур Корбангали улы Ганиев та бар иде. 

Мансур Ганиев пенсиягә чыккач, туган якны өйрәнү, генеалогик тикшеренүләр белән шөгыльләнүе һәм 14 буыннан нәсел шәҗәрәсе төзүе турында сөйләде. Шәҗәрә 1600 елдан башлап төзелгән һәм анда мең ярымга якын исем һәм 38 фамилия исәпләнә. Шулай ук Мансур Ганиев Әлки районындагы үз авылы һәм тагын 8 торак пункт шәҗәрәләрен дә төзегән.

Ә шәһәрнең 55 еллыгына, халык санын күрсәтеп (сан буенча мәгълүматлар архивтан алынган) структура үсеше динамикасында «Түбән Кама районы шәҗәрәсен» төзеде. Әлки районының Мактаулы гражданины Мансур Ганиев, ике китап авторы, 78 яшендә әле дә эзләнү эшчәнлеге белән шөгыльләнә.

Фото шәхси архивтан