Түбәнкамалыларны түбәдә кино карарга чакыралар

Түбән Камада 14 августта түбәдә кино күрсәтү узачак. Бу хакта Түбән Кама муниципаль районы мәдәният идарәсенең матбугат хезмәте хәбәр итә.

Чара халык иҗаты йорты түбәсендә узачак, шуңа бәйле рәвештә шәһәр халкына үзләре белән җылы киемнәр яки пледлар алырга киңәш итәләр.

Билгеләп үтелгәнчә, үзең белән теләсә нинди алкогольсез эчемлек һәм ризык алып килергә мөмкин, ә менә спиртлы эчемлекләр һәм түбәдә тәмәке тарту катгый тыелган. Шулай ук тамашачыларны үкчәле аяк киеме кимәүләрен сорыйлар.