Түбәнкамалыларны Татарстанның атказанган сәнгать эшлеклесе Сания Әхмәтҗанова белән очрашуга чакыралар

17 октябрь көнне 13 сәгатьтә Г. Тукай исемендәге Үзәк китапханәдә күренекле шагыйрә, Һади Такташ, С. Сөләйманова исемендәге премияләр лауреаты, Татарстанның атказанган сәнгать эшлеклесе Сания Әхмәтҗанова белән очрашу үткәрелә.

«Чарада аның әсәрләре, шигырьләренә иҗат ителгән популяр җырлар яңгыраячак. Хөрмәтле милләттәшләр, җыр-моңга уралып, искиткеч җылы, тирән эчтәлекле шигырьләр тыңлап, рухи ял кичәсенә сезне көтеп калабыз», — дип хәбәр итә Кол Гали исемендәге милли китапханә мөдире Гүзәлия Гыйбадуллина.