Түбәнкамалыларны авыл китапханәсендә «тере» рәсемнәр белән гаҗәпләндерделәр

Түбән Кама районының Шәнгәлче авылы укучылары Ширәмәт авылының модульле китапханәсендә булдылар.

Алар өчен кызыклы һәм мавыктыргыч экскурсия үткәрелде, бик күп кызыклы уеннар һәм күңел ачулар күрсәтелде.

Укырга һәм тыңларга мөмкин булган яңа һәм кызыклы китаплар укучыларда кызыксыну уятты, ә VR-күзлекләр ярдәмендә уен рәсемнәре «тере» картинкаларга әверелде.

Шуннан соң укучылар интерактив панельдә игътибарлылык һәм зирәклеккә биремнәр үтәде.