Түбәнкамалыларны 10 августта кичке фильм һәм концерт карарга чакыралар

Пәнҗешәмбе, 10 августта, Түбән Кама халкын паркта урам музыкасы фестиваленә, шулай ук шәһәр скверында ачык һавада фильмнар карарга чакыралар. Бу хактаТүбән Кама муниципаль районы башкарма комитетының мәдәният идарәсе хәбәр итә.

Концерт шәһәр паркында узачак, анда амфитеатр сәхнәсендә Түбән Кама музыкантлары, шулай ук чакырылган артистлар чыгыш ясаячак. Фестиваль 19 сәгатьтә башлана.

Шул ук вакытта Николай Лемаев исемендәге скверда Төзүчеләр көненә багышланган «Звезды над Нижнекамском» фильмы күрсәтеләчәк. Аннан соң «Тайна Амулета» гаилә киносы карарга була.