Түбәнкамалыларга кайнар су булмауның сәбәпләрен аңлаттылар

29 августта шәһәрнең берничә йорты гына кайнар су күрү бәхетенә иреште. Түбән Кама районы башкарма комитеты җитәкчесе Роман Булатов ни өчен башка йортларга да кайнар су бирелмәве турында аңлатты. Җитәкче сүзләренчә, шәһәр халкы су бирү вакытлары турында ялгыш мәгълүмат алган. 

Эш шунда, 19 августта Түбән Камада гидравлик сынаулар аркасында кайнар су бирү туктатылган иде. Сынаулар, планлаштырылганча, 29 августта тәмамланды.

Шул вакытта су магистраль челтәрләрдән квартал челтәрләренә тапшырыла башлады, анда, үз чиратында, шулай ук тикшерүләр уза. Бары тик шуннан соң гына су әкренләп түбәнкамалыларның фатирларына тарала башлый. Бу процесс берничә көнгә кадәр дәвам итә.

«Шуңа күрә безгә халыкка дөрес мәгълүмат бирергә, тормышка ашырылмаслык сроклар билгеләмәскә, ә дөрес мәгълүмат бирергә кирәк», — дип билгеләп үтте Роман Булатов.