Түбәнкамалыларга газ өчен түләүдәге яңалык турында хәбәр итәләр

Түбән Камада күп фатирлы йортларда яшәүчеләргә газ өчен түләүнең яңа ысулы турында хәбәр итәләр.

Фатир буенча таратыла торган листовкаларда «Оплата за газ» дип исемләнгән махсус мобиль кушымта турында әйтелә.

Кушымтада хезмәт өчен акчаны күчереп кенә калмыйча, счетчик күрсәткечләрен кертергә, исәпләү суммасын белергә, электрон почтага квитанция алуны рәсмиләштерергә дә мөмкин.

Берничә шәхси счетны бәйләү мөмкинлеге бар.

Мобиль кушымта iOS һәм Android кулланучылары өчен бар.