Түбәнкамалыларга бушлай юридик ярдәм тәкъдим ителә

24 ноябрьдә Түбән Камада түләүсез Юридик ярдәм көне узачак, дип хәбәр итә мэриянең матбугат хезмәте.

Халыкны 8.00 сәгатьтән 9.30 сәгатькә кадәр Пенсия фонды белгече кабул итәчәк. Түбәнкамалылар 11.00 сәгатьтән 12.30 сәгатькә кадәр нотариуска сораулар бирә алачак.

12.30 сәгатьтән 14.00 сәгатькә кадәр шәһәр халкының сорауларына «ТР БТИ» АҖның Түбән Кама бүлекчәсе җитәкчесе җавап бирәчәк. Ә 14.00 сәгатьтән 15.30 сәгатькә кадәр яшәүчеләргә адвокат киңәш бирәчәк.

Түбәнкамалылар белән очрашу Студентлар урамы, 9 адресы буенча җәмәгатьчелекне кабул итү бүлмәсендә узачак.

Кабул итүгә 41-71-95 телефоны буенча язылырга мөмкин.