Түбәнкамалыларга алимент буенча хокукый ярдәм күрсәтеләчәк

Түбән Камада Мәктәп бульварындагы күп функцияле үзәк (МФЦ) бинасында алиментларны түләттерү буенча бердәм кабул итү көне узачак. Бу хакта хакимиятнең матбугат хезмәте хәбәр итә.

Консультацияне суд приставлары хезмәте, прокуратура, полиция, мәшгульлек үзәге, мәгариф идарәсе, опека бүлеге һәм социаль яклау органнары хезмәткәрләре бирәчәк.

Кабул итү 2 апрельдә сәгать 15тә беренче каттагы актлар залында узачак. Алдан язылу өчен телефон: 8 (8555) 42-46-63.