Түбәнкамалылар өлкән яшьтәге туганнарын «Туган як» газетасына яздыра ала

2023 елның икенче яртысына газета-журналларга язылу кампаниясе тәмамланырга бер ай вакыт калып бара. Ниндидер сәбәпләр белән әлегә кадәр "Туган як«ка язылырга өлгермәгән булсагыз, язылуны соңгы көннәргә калдырмагыз. 

Газетага шәһәрдәге һәм райондагы барлык элемтә бүлекләрендә һәм редакциянең үзенә килеп тә язылырга мөмкин. Почта аша өй адресына китерә торган итеп язылу бәясе — 697 сум 38 тиен, эш урыннарына яки уку йортларына китереп бирешле итеп язылганда (15 кешедән дә ким булмаска тиеш) — 420 сум, редакциянең үзеннән килеп алучыларга — 370 сум. 

Мохтаҗларга, инвалидларга, пенсионерларга иганәчелек ярдәме күрсәтергә теләүче татар җанлы җитәкчеләр, эшмәкәрләр булса, рәхим итегез! «Якыннарыбыз, сезнең өчен!» дигән акция дәвам итә, аңа кушыла аласыз. Өлкән туганнарыгызны, әти-әниләрегезне «Туган як» ка яздырсагыз, алар өчен бу олы бүләк булыр. Әгәр шул игелекле эшне башкарырга теләп тә, якыннарыгыз, күршеләрегез арасында мохтаҗлар юк икән, кирәк кадәр кешеләр исемлеген редакциядән үзебез бирә алабыз (белешү өчен телефон: 43-17-57). 

Редакциягә килеп язылучыларга татарча китаплар һәм журналлар бүләк итәбез.