Түбәнкамалылар «Юмарт сишәмбе» бөтенроссия акциясенә кушылачак

Быел акция 3 декабрьдә уздырыла. Анда теләсә нинди сәяси булмаган оешмалар һәм шәхси затлар катнаша ала.

Проектны гамәлгә ашыру вакытында инициативага илнең 260 торак пунктыннан 4,5 мең оешма кушылган. Акцияләр уздыру көннәрендә хәйрия оешмаларына кергән иганә суммасы уртача 2,7 тапкырга арта.

Түбән Кама территориаль үзидарә советлары микрорайоннарның координацион советлары белән берлектә түбәнкамалыларны акциягә кушылырга, ялгыз яшәүче кешеләргә һәм инвалидларга ярдәм җыюга битараф калмаска чакырды. Шулай ук хуҗасыз этләр өчен азык җыюда да катнашырга мөмкин булачак. ТИҮ советлары рәисләре барлык битараф булмаган халыкны микрорайонның иҗтимагый үзәкләрендә көтә.