Түбәнкамалылар йорт хайваннарын бушлай стерилизацияли ала

Түбән Камада йорт хайваннарын түләүсез стерилизацияләү программасы эшли.

Әлеге программадан пенсионерлар, аз керемлеләр, хайваннарны карап торучы волонтерлар, шулай ук авыл җирлекләрендә прописка белән яшәүчеләр файдалана ала.

Ахтубинская урамындагы 6а номерлы бинада урнашкан «Өмет» йортсыз хайваннарга ярдәм фондына мөрәҗәгать итәргә була. Телефон: +7 (927) 241-44-31.

Үзең белән түбәндәгеләрне алып килергә кирәк:

хайванның кәгазьдә чыгарылган 2 төсле фотографиясе;
паспорт;
пенсия таныклыгы яки социаль яклау белешмәсе (аз керемлеләр өчен), яки Фонд белән килешү төзергә (волонтерлар өчен);
ветклиникадан направление (Ахтубинская урамындагы 6а номерлы бинаның ян-ягында урнашкан).