Түбәнкамалылар 27 сентябрьдә түләүсез юридик ярдәм сорап мөрәҗәгать итә алачак

Түбән Камада 27 сентябрьдә Бөтенроссия бердәм түләүсез юридик ярдәм күрсәтү көне узачак.

Шәһәр администрациясенең матбугат хезмәте хәбәр иткәнчә, алдан язылу буенча консультацияне Студентлар урамындагы 9 нчы йорттагы җәмәгать кабул итү бүлмәсендә алырга мөмкин була.

8:00 дән 9:30 га кадәр кабул итүне РФ пенсия һәм социаль иминият фондының ТР буенча клиент хезмәтенең әйдәп баручы белгеч-эксперты Тәгъзима Садыйкова үткәрәчәк. 11 сәгатьтән төшкә кадәр түбәнкамалыларны Түбән Кама нотариаль округы нотариусы Ирина Миронова кабул итә.

13-14 сәгатьләрдә «ТР ТИБ» АҖнең Түбән Кама бүлекчәсе җитәкчесе Светлана Чимарова белән киңәшләшергә була. 14:00 дән 15:30 га кадәр түбәнкамалылар белән адвокат очрашачак.

Белешмә өчен: +7 (8555) 41-71-95.