Түбән Каманың иң өлкән педагогына 84 яшь

Түбән Камада һөнәри белем бирү системасында иң өлкән педагогка 84 яшь. Людмила Вахитова Королев исемендәге политехника көллиятендә укыта.

Бу хакта Түбән Кама муниципаль районы мәгариф идарәсе башлыгы Айдар Гарифуллин дүшәмбе планеркасында хәбәр итте.

Өстәмә белем бирү системасында яшь буенча педагог-рекордсмен Рәшит Хәсәнов балаларны шахматка өйрәтә. Бер айдан Рәшит Хәсән улына 79 яшь тула. 

Мәктәпләрдә иң өлкән укытучыларга 76 яшь, дип өстәде Гарифуллин.