Түбән Камадан хәрби операция районына тагын биш кешене озаттылар

Түбән Камадан тагын бер команда махсус хәрби операция районына китте.

Биш кешедән торган состав дүртенче июльдә юлга кузгалды. Алар барысы да РФ Президенты Указы буенча ялда иде.

Түбән Кама һәм район хәрби комиссары Газинур Ситдыйков, шулай ук Түбән Кама муниципаль районы мобилизацион әзерлек һәм халык иминлеге бүлеге башлыгы Раил Габидуллин хәрбиләргә туганнары һәм якыннары алдында үгет-нәсихәт сүзләрен җиткерде.

Хәрбиләрне озатырга локаль сугышлар һәм хәрби конфликтлар ветераннарының Түбән Кама бүлекчәсе вәкилләре, һәм, әлбәттә, хәрбиләрнең туганнары һәм якыннары килде.

«Хәрбиләрнең кәефе яхшы, сугышчан рухлары югары дәрәҗәдә», — дип билгеләп үтте хәрби комиссариат вәкилләре.