Түбән Камадан тагын 7 кеше Төньяк флотка хезмәт итәргә китте

Түбән Камадан тагын 7 кеше РФ Хәрби Көчләре сафларында контракт хезмәтенә китте. Контрактчыларны 29 июль иртәсендә шәһәр хәрби комиссариаты бинасы яныннан озаттылар.

Традиция буенча аларны Түбән Кама һәм Түбән Кама районы хәрби комиссары Газинур Ситдыйков, руханилар, «Сугышчан туганлык» ның Түбән Кама бүлеге вәкилләре, шулай ук туганнары озатып калды.

Ир-атлар Үзәк хәрби округы, Көньяк хәрби округы, Төньяк флот бүлекчәләрендә хезмәт итәчәк, моннан тыш СВОда катнашачак.

• Исегезгә төшерәбез, РФ Оборона министрлыгы белән килешү төзүчеләр Татарстанда июль ахырына кадәр 700 мең сум алачак. Яңа контрактчыларга бер тапкыр бирелә торган матди ярдәмнең гомуми күләме, Татарстан шәһәрләреннән, муниципаль районнарыннан һәм предприятиеләреннән ярдәм чараларын исәпкә алып, 1 млн сумга кадәр җитәргә мөмкин. РФ Хәрби Көчләре сафларында контракт буенча хезмәт итү, шулай ук премияләр, ташламалар һәм түләүләр турында heroes-tatarstan. ru сайтында, шулай ук 117 телефоны яки +7 917 292-26-12, +7 965 589-78-50, +7 965 589-72-98, +7 (8555) 44-04-17 телефоннары буенча күбрәк белергә мөмкин.