Түбән Камада «Зур этнографик диктант» акциясе узачак

Түбән Кама 3-8 ноябрьдә узачак «Зур этнографик диктант» бөтенроссия акциясенә кушылачак.

Бу хакта «эшлекле дүшәмбе» дә «Халыклар дуслыгы йорты» директоры Васил Хафизов хәбәр итте.

Түбән Камада диктант «Заман» уку үзәгендә оештырылачак (Шинчылар пр., 44, 12:30 сәгатьтә).

Шулай ук диктантны онлайн рәвештә miretno.ru сайтында да язарга мөмкин.

Диктантның биремнәре 30 сораудан торган тест рәвешендә төзелгән. Аны үтү өчен 45 минут бирелә. Иң күбе 100 балл җыярга мөмкин.