Түбән Камада хатын-кызлар консультациясендә 1,2 меңгә якын йөкле хатын-кыз исәптә тора

Түбән Кама перинаталь үзәгендә узган атнада 37 бала дөньяга килгән. Шуларның җидесе — башка шәһәрнекеләр, дип хәбәр итә Түбән Кама район балалар хастаханәсенең матбугат хезмәте.

Бүгенге көндә хатын-кызлар консультациясендә барлыгы 1182 йөкле хатын-кыз исәптә тора. Ә яңа туган һәм вакытыннан алда туган балаларның патология бүлегендә 23 бала һәм 13 әни бар.

Моннан тыш, узган атнада балалар хастаханәсенең кабул итү бүлмәсендә — 466, перинаталь үзәктә 87 мөрәҗәгать кабул ителгән.

Шулай ук 875 бала ОРВИ диагнозы белән поликлиникага килгән, 227 пациент травмпункт табибларына ярдәм сорап мөрәҗәгать иткән. Стационарда 285 пациент дәвалана.