Түбән Камада тугыз катлы йорт тәрәзәсеннән бала егылып төшкән

Түбән Камада шимбә көнне, 15 июньдә, Мурадьян урамындагы 4а йортының дүртенче кат тәрәзәсеннән биш яшьлек малай егылып төшкән. Бәхетсезлек очрагы көндезге сәгать икеләр тирәсендә була.

НТР 24 хәбәрчеләренә билгеле булганча, бу вакытта баланың әнисе өйдә булмаган, аны апасы карап торырга тиеш булган. Гаиләдә барлыгы өч бала үсә, әниләре аларны ялгыз тәрбияли.

Хәзер малай хастаханәнең травматология бүлегендә. Аның оча сөякләре сынган, умырткасына зыян килгән. 

Табиблар сүзенчә, җәрәхәтләр критик түгел, тернәкләнү буенча фаразлар яхшы.