Түбән Камада танылган язучы белән очрашу булачак

Түбән Камада 18 октябрьдә язучы, драматург, журналист Айгөл Әхмәтгалиева белән очрашу булачак. 

• Айгөл Әхмәтгалиева (Муллагалиева) — язучы, журналист. Тумышы белән Актаныш районыннан. Чаллыда яши. «Мәйдан» журналында эшли. 10 китап авторы.
• Сәхибҗамал Гыйззәтуллина-Волжская турында «Туташ» романы, Хәния Фәрхигә багышланган «Хәния» новеллалар җыентыгы авторы. Пьесалары Әтнә, Оренбург, Чаллыда татар театрларында, Уфа һәм Сибайда башкорт театрларында куелган.
• 2014 елда Мәхмүт Кашгарый исемендәге халыкара хикәяләр бәйгесендә «Капка» сы белән катнашып, төрки телле 13 дәүләт арасында икенче урынны яулаган.

Очрашу «Заман» уку һәм аралашу үзәгендә үтәчәк. Чарага теләге булган һәркем килә ала. Башлана 14 сәгатьтә.