Түбән Камада ремонт эшләре аркасында телевидение һәм радио вакытлыча сүндерелә

19 һәм 20 июльдә Түбән Кама телеүзәгендә телевидение һәм радиотапшырулар программаларын сүндереп, планлы профилактика эшләре алып барылачак. Бу хакта «Түбән Кама мәгълүмат үзәге» хәбәр итә.

Ремонт эшләре 8.00дән 17.00гә кадәр барачак. Шуңа бәйле рәвештә, чәршәмбе һәм пәнҗешәмбе көннәрендә НТР медиахолдингының DFM-Нижнекамск радиостанциясенең эфир тапшырулары алып барылмаячак. Әмма станцияне сайтта онлайн тыңларга мөмкин.