Түбән Камада рәсем сәнгате буенча бушлай мастер-класслар сериясе үтәчәк

20-29 октябрь көннәрендә Draw&Go студиясе Түбән Камада рәсем сәнгате буенча 28 бушлай мастер-класс үткәрәчәк.

Теләгән һәркем бу чарада катнаша ала.

29 октябрьдә проект нәтиҗәләре буенча студия рәссамнары сайлап алган катнашучыларның иң яхшы эшләр күргәзмәсе һәм бәйгесе узачак. 8 җиңүче «акварель», «акрил», «пастель» һәм «маркерлар» номинацияләрендә флюид-арт буенча нәфис draw-бокслар алачак, ә аларның эшләре билборд һәм шәһәр экраннарында урнаштырылачак.

Мастер-класслар программасында:

• Акрил: интерьер рәсеме, космос һәм food-арт түгәрәк холстларда, имприматура флюид-арт һәм поп-арт,
• Маркерлар: анималистик иллюстрация, ботаник карточка, азык-төлек-иллюстрациясе, travel-иллюстрация;
• Акварель: космик акварель, fashion-иллюстрация, ботаник акварель, акварель пейзажы, анималистик открытка;
• Пастель: пастель пейзажы, пастель картасы, пастель этюды.

22 октябрьдә Draw&Go командасы Түбән Каманың профессиональ рәссам-укытучылары өчен мастер-класслар үткәрәчәк. Программага Draw&Go авторлык техникасында интерьер акрил рәсеме, сыек акрил флюид-арт, танылган иллюстраторлар Рене Грюо, Антонио Лопес һәм Дэвид Даунтон мотивлары буенча fashion-иллюстрация һәм студиянең арт-директоры Кристина Галочкинаның махсус кулланмасы буенча укучылар белән үзара эш итү процессы турында фикер алышу керәчәк. Барлык катнашучылар да курслар узу турында сертификат һәм абстракт рәсем сәнгате өчен җыелма алачак.

Барлык мастер-классларга язылу 10 октябрь көнне сайтта старт ала.
Профессиональ рәссам-укытучыларга мастер-классларда катнашу өчен сайтта анкета тутырырга һәм аны үз портфолиоң белән бергә җибәрергә кирәк.

Барлык мастер-классларда катнашу бушлай. Алар Лемаев урамы, 14 (Халык иҗаты йорты) адресы буенча узачак. Урыннар саны чикләнгән. Яшь чикләве: 6+.

Проект СИБУРның «Яхшы эшләр формуласы» социаль инвестицияләр программасы ярдәме белән гамәлгә ашырыла.