Түбән Камада «Поющая волна» фестивале үтәчәк

Быел Түбән Камада «Поющая волна» вокал фестиваленә 100 дән артык гариза килгән.

Ул августта старт алды, хәзер сайлап алу этаплары бара. Конкурсның финалы 29 сентябрьдә «Мирас» мәдәният йортында узачак. Чара көндезге сәгать икедә башлана.

Оештыручылар сүзләренчә, йомгаклау этабына якынча 60 кеше сайлап алынган. Иң яхшыларны 10 номинациядә билгелиләр.

«Поющая волна» фестиваленә быел 8 ел тула. Шушы вакыт эчендә фестивальдә ике меңнән артык вокалист катнашкан. Аны төрле яшь категорияләрендә үткәрәләр. Чикләүләр юк диярлек, иң мөһиме — катнашучы җырлый белсен һәм җырларны яратып башкарсын.