Түбән Камада пешекчеләр, инженерлар һәм автобус йөртүчеләр җитми

Гыйнвар-май айларында Түбән Каманың «Халыкны эш белән тәэмин итү үзәге»нә 1446 кеше мөрәҗәгать иткән, шуларның 584е эш тапкан. Түбән Кама буенча теркәлгән эшсезлек дәрәҗәсе эшче көч санының 0,27 процентын тәшкил итә.

Хезмәт базарында иң кирәкле белгечлекләр: автомобиль йөртүчеләр, автобус йөртүчеләр, погрузчик йөртүчеләр, җитештерү һәм хезмәт биналарын җыештыручылар, дворниклар, төрле эшчеләр, арматурчылар, аппаратчылар, җылылык челтәрләренә хезмәт күрсәтү буенча слесарьлар, слесарь-ремонтчылар, компрессор җайланмалары машинистлары, җылылык пункты операторлары, аш-су осталары, ашханә хезмәткәрләре, тәрбиячеләр, кече тәрбиячеләр, сакчылар, укытучылар, табиблар, шәфкать туташлары, инженер-конструкторлар, күчемсез милек сату буенча агентлар.