Түбән Камада опрессовка тәмамланды, кичкә кайнар су бирергә вәгъдә итәләр

Бу хакта «эшлекле дүшәмбе» барышында Түбән Кама муниципаль районы башкарма комитеты җитәкчесенең торак-коммуналь хуҗалык буенча урынбасары Максим Парамонов сөйләде.

Районда шулай ук 36 котельный техник яктан әзер.

«Узган опрессовкалар нәтиҗәләре буенча барлык челтәрләрдә 173 җитешсезлек ачыкланды, бүгенге көнгә 104е төзәтелде», — диде Максим Парамонов.

Җитәкче аңлатуынча, квартал челтәрләрендә дефектлар бар, алар хәзер бетерелә.

«Тоташтыру челтәрләрендәге дүрт дефектка аерым игътибар бирелә, әмма җылыту сезоны башлануга алар барысы да бетереләчәк», — дип белдерде Түбән Кама муниципаль районы башкарма комитеты җитәкчесе урынбасары.

Максим Парамонов шулай ук опрессовка эшләренең тәмамлануы, системаны тутыра башлау һәм кичкә кайнар су бирү көтелә дип хәбәр итте.

«Аңлашыла ки, хәзер «Татэнерго» алып бара торган ашыгыч эшләр кысаларында (17 километрның бүгенге көнгә 13 километры алмаштырылган, ай ахырына кадәр эшләрне тулысынча төгәлләү планлаштырыла) кайбер йортларга кайнар су кермәячәк: бу 132 торак йорт һәм 39 социаль өлкә объекты», — дип билгеләде ул.