Түбән Камада җиде кеше контракт буенча хезмәт итәргә китте

31 июльдә Түбән Камадан РФ Оборона министрлыгы белән контракт төзегән 7 кешедән торган төркем хезмәт урынына китте. Хәрби хезмәткәрләр Үзәк һәм Көньяк хәрби округлар бүлекчәләрендә хезмәт итәчәк, шул исәптән СВОда катнашачак. 

Иреклеләрне хәрби комиссар Газинур Ситдыйков, руханилар һәм «Сугышчан туганлык» вәкилләре, шулай ук туганнары озатып калды. Алар сугышчыларга куелган бурычларны уңышлы үтәүләрен һәм җиңү белән исән-сау кайтуларын теләделәр. 

• Хәзер Татарстанда хәрби хезмәткә контракт төзүчеләр бер мәртәбә 1 705 000 сумга кадәр акча ала алачак. Арту 1 августтан 31 декабрьгә кадәр СВОга контракт төзегәндә 400 мең сум федераль түләү билгеләү белән бәйле. Тиешле указны Россия Президенты Владимир Путин имзалады.