Түбән Камада ярыммарафон вакытында юллар ябылачак

8 июньдә Түбән Камада ярыммарафон уздыру уңаеннан шәһәр юллары ябылачак. Бу хакта хакимиятнең матбугат хезмәтендә хәбәр иттеләр.

Юл түбәндәге урамнарда ябылачак:

Иртәнге 6дан 14 сәгатькә кадәр:

• Химиклар проспектының җөп ягы — Төзүчеләр проспектыннан Вахитов проспектына кадәр;
• Октябрьнең 50 еллыгы урамының җөп һәм так саннары ягы. 

Иртәнге 7дән 11 сәгатькә кадәр:

• Химиклар проспектының так саннар ягы — Төзүчеләр проспектыннан Лесная урамына кадәр;
• Лесная урамының ике ягы — Гагарин урамы белән киселештән алып «Строительный бум»га кадәр.