Түбән Камада эшсезләрнең яртысыннан күбрәген хатын-кызлар тәшкил итә

Май башына алынган мәгълүматлар буенча, Түбән Кама районында эшсезлек дәрәҗәсе 3,8%.

Эшсезләр санының 66 процентын хатын-кызлар, 22 процентын 14 яшьтән 29 яшькә кадәрге яшьләр тәшкил итә.

Шәһәрнең «Халыкны эш белән тәэмин итү үзәге» мәгълүматлары буенча, хезмәт базарында иң кирәкле белгечлекләр: бетончылар, автомобиль йөртүчеләр, автобус йөртүчеләр, йөк төягеч йөртүчеләр, җитештерү һәм хезмәт биналарын җыештыручылар, җыештыручылар, разнорабочийлар, слесарь-ремонтчылар, монтажчылар, аш-су осталары, тәрбиячеләр, укытучылар, шулай ук табиблар һәм шәфкать туташлары.