Түбән Камада «Алмаш» базасында чаңгы трассасы һәм прокат ачылачак

Түбән Каманың «Алмаш» уку-күнекмә базасында бу сезонда чаңгы трассасы һәм чаңгы прокаты эшләячәк. Бу хакта «эшлекле дүшәмбе»дә Түбән Кама муниципаль районының физкультура һәм спорт идарәсе җитәкчесе Алексей Урезов сөйләде.

Трассалар 22 сәгатькә кадәр эшләячәк. Көннең караңгы вакытында трасса яктыртылачак.

«Яңа инвентарь, снегоход сатып алынды. Кышкы сезонны ачуга әзерлек бара. Нормаль кар яуганнан соң, база эшли башлый», — диде Урезов.

Исегезгә төшерәбез, хәзер «Алмаш»та реконструкция бара.