Түбән Камада 28 июньдә түләүсез юридик ярдәм көне узачак

28 июньдә Түбән Камада «Бердәм Россия» җирле бүлекчәсенең җәмәгать кабул итү бүлмәсендә бушлай юридик консультацияләр уздырылачак.
Түләүсез хокукый ярдәм Бөтенроссия акциясе кысаларында күрсәтеләчәк.

8:00-9:30 сәгатьләрдә ТР Социаль фондының Түбән Кама районындагы клиентлар хезмәтенең әйдәп баручы белгеч-эксперты Тәгъзимә Садыйкова, 9:30-11:00 сәгатьләрдә мәшгульлек үзәге җитәкчесе урынбасары Миләүшә Моратова кабул итәчәк.

11 сәгатьтән 12 сәгатькә кадәр консультацияне Түбән Кама нотариаль округы нотариусы Рамил Гарипов, 13:00 сәгатьтән 14:30 сәгатькә кадәр — «БТИ РТ» Түбән Кама бүлекчәсе җитәкчесе Светлана Чимарова, ә 14 сәгатьтән 15:30 сәгатькә кадәр — адвокат Валентина Соколова бирәчәк.

Кабул итүгә эләгү өчен 8 (8555) 41-71-95 номеры буенча язылырга кирәк.