Түбән Камада 14 сентябрьдән авыл хуҗалыгы ярминкәләре башлана

14 сентябрьдән Түбән Камада традицион авыл хуҗалыгы ярминкәләре эшли башлый. Алар ял көннәрендә «Бызов» һәм «Комета» базарларында эшләячәк.

Ярминкәләрдә яшелчә һәм җиләк-җимеш, ит һәм сөт продуктлары, бал, тәм-томнар һәм башкалар тәкъдим ителәчәк.

Моннан тыш, Түбән Кама районының Кама Аланы шәһәр тибындагы поселогында да авыл хуҗалыгы ярминкәсе ачылачак.

Көзге авыл хуҗалыгы ярминкәләре 29 декабрьгә кадәр дәвам итәчәк.