Түбән Камада 14 сентябрьдән авыл хуҗалыгы ярминкәләре башлана

14 сентябрьдән Түбән Камада традицион авыл хуҗалыгы ярминкәләре эшли башлый. Алар ял көннәрендә «Бызовский» һәм «Комета» базарларында эшләячәк.

Бу хакта Түбән Кама муниципаль районында эшмәкәрлеккә ярдәм итү һәм үстерү идарәсе башлыгы Илнар Сираев үзенең «ВКонтакте» дагы битендә хәбәр итте.

Ярминкәләрдә яшелчә һәм җиләк-җимеш, ит һәм сөт продуктлары, бал, тәм-томнар һәм башкалар тәкъдим ителәчәк.

Моннан тыш, Түбән Кама районының Кама Аланы шәһәр тибындагы поселогында да авыл хуҗалыгы ярминкәсе ачылачак.