Түбән Камада 13 машина йөртүченең юл кагыйдәләрен бозган өчен түләнмәгән 100 штрафы бар

Татарстанда юл хәрәкәте кагыйдәләрен бозган өчен түләнмәгән йөз һәм аннан да күбрәк штрафлы машина йөртүчеләре булган районнарны атадылар. Исемлекне республика Дәүләт автоинспекциясе матбугат хезмәте бастырды.

Беренче урында Казан — монда 222 йөртүченең йөз һәм аннан да күбрәк штрафы бар. Икенче урында — Чаллы — 41 йөртүче, өченче урында — Лаеш районы, анда 15 хокук бозучы исәпләнә.

Түбән Кама районы исә юл йөрү кагыйдәләрен бозган өчен йөз яки аннан да күбрәк түләнмәгән штрафлары булган 13 машина йөртүчесе белән антирейтингның дүртенче юлында. Татарстанда андый машина йөртүчеләр барлыгы — 402.