Түбән Камада 1 октябрьдә «Өченче буын университеты»нда яңа уку елы башлана

Түбән Камада өлкәннәр көнендә «Өченче буын университеты» нда яңа уку елы ачылачак.

Тантаналы чара «Гаилә» паркында 14:30да башлана, дип хәбәр итә хакимиятнең матбугат хезмәте.

Проект Түбән Камада инде 12 ел эшли. Узган ел университет 1,3 меңнән артык студент кабул иткән. «Өченче буын университеты» өлкән яшьтәге кешеләргә яңа белем алырга, яңа дуслар табарга һәм актив тормыш алып барырга мөмкинлек бирә.