Түбән Кама хоккейчылары институтта абитуриентлардан документлар кабул итәчәк

Түбән Камада «Нефтехимик» хоккей клубы һәм химия-технология институтының уртак акциясе узачак.

3 августта кабул итү комиссиясендә Сергей Купцов, Илья Хохлов һәм Наил Якупов утырачак.

Хоккейчылар абитуриентлардан керү өчен документлар кабул итәчәк. Документларын тапшырырга һәм спортчылар белән аралашырга теләүчеләрне 15 сәгатьтән НХТИНЫҢ «В» корпусында (Җиңүнең 30 еллыгы урамы) көтәчәкләр.

Фото: «Нефтехимик» хоккей клубының матбугат хезмәте