Түбән Кама укучысы «Умнее всех» интеллектуаль шоуда катнашты

Түбән Камадан 10 яшьлек Самид Фазылҗанов «Умнее всех» интеллектуаль шоуда катнашты.

Малай тарих, палеонтология, зоология һәм криптозоология белән мавыга. Мәктәп укучысы политология белән мөстәкыйль шөгыльләнә һәм президент булырга тели.

Шоуда 9-14 яшьлек балалар катнаша. Балалар дүрт раундта ярышалар һәм баллар җыялар. Уен ахырында баллар реаль акчага әйләнә. Җиңүче акчалата бүләк ала һәм суперфиналга үтә. Проектны Тина Канделаки алып бара. 

Самид катнашында чыгарылыш 8 ноябрьдә «Пятница!» телеканалында эфирга чыкты.