Түбән Кама студентлары республика «Автосессиясе»ндә катнашты

Казанда Студентлар арасында «Автосессия-2024» конкурсының республика этабы узды.

Финалда Татарстанның 20 шәһәр һәм районыннан 68 студент катнашты.

Конкурс теоретик, практик һәм иҗади ярышлардан торды. Түбән Камадан транспорт инфраструктурасы көллияте командасы ярышларда уңышлы чыгыш ясады.

«Конкурс яшьләрне имин юл хәрәкәтен пропагандалауга җәлеп итәргә мөмкинлек бирә һәм яшьләрдә юл-транспорт культурасын формалаштыра», — дип билгеләп үттеләр Түбән Кама дәүләт автоинспекциясенең матбугат хезмәтендә.