Түбән Кама районындагы ике авылда су белән тәэмин итүне модернизацияләүгә әзерләнәләр

Түбән Кама районында 2025 елның җәендә сигез чакрым су белән тәэмин итү челтәре төзеләчәк һәм реконструкцияләнәчәк.

Түбән Кама муниципаль районы башлыгы Рамил Муллин сөйләгәнчә, Байгол авылында алты километрга якын челтәр төзеләчәк, шулай ук Олы Афанас авылында ике километрга якын челтәр реконструкцияләнәчәк.

«Бу халыкның тормыш сыйфатын яхшыртуга таба мөһим адым — чиста су арзанрак, ә коммуналь инфраструктура ышанычлырак булачак», — дип билгеләп үтте Рамил Муллин.