Түбән Кама районында вермишельгә иң югары бәя саклана

Түбән Кама районында Татарстан буенча вермишельгә иң югары бәя саклана. Бу ярманың килограммы 115 сумга төшәчәк. 2 апрельдән 9 апрельгә кадәр бәяләрне мониторинглау нәтиҗәләре белән ТР Дәүләт алкоголь инспекциясе уртаклаша.

Чагыштыру өчен: иң арзан вермишель Яңа Чишмә районында — 59,28 сум.

Татарстанда сарык ите, көнбагыш мае, кара чәй, арыш икмәге, тары, карабодай, вермишель, кәбестә, кишер, алма бераз кыйммәтләнде.

Сыер ите, дуңгыз ите, тавык ите, балык, ак май, сөт, тавык йомыркасы, шикәр комы, тоз, он, шомартылган дөге, бәрәңге, суган арзанайды.