Түбән Кама районы башкарма комитеты җитәкчесенең социаль мәсьәләләр буенча яңа урынбасары билгеләнде

Илдар Рамазанов Түбән Кама районы башкарма комитеты җитәкчесенең социаль мәсьәләләр буенча урынбасары итеп билгеләнде. Бу хакта Түбән Кама мэры дүшәмбе киңәшмәсендә хәбәр итте.

Илдар Илһам улы Урал дәүләт физик культура университетын тәмамлый, тренер була, күрше Башкортостанда спорт комитеты рәисе булып эшли һәм социаль блок кураторы вазифаларын башкара.

«Илдар Илһамовичка уңышлар телим, социаль блок — иң катлаулыларның берсе», — дип билгеләп үтте Муллин.