Түбән Кама районы авыллары кар белән көрәшкә әзер

Түбән Кама районының авыл җирлекләре кышка әзер. Бу хакта Түбән Кама районы башкарма комитеты җитәкчесенең авыл хуҗалыгы буенча урынбасары хәбәр итте.

Түбән Кама районы составына ике шәһәр җирлеге — Түбән Кама шәһәре һәм Кама Аланы шәһәр тибындагы поселогы, шулай ук 61 торак пункттан торган 15 авыл җирлеге керә.

«Быел кар чыгарылачак авыл юлларының гомуми озынлыгы 416,94 км тәшкил итә», — диде җитәкче.

Кышын урамнарны кардан чистарту өчен районда 36 берәмлек махсус техника җәлеп ителәчәк, шуларның 15е — авыл җирлекләре башкарма комитетлары тракторлары.