Түбән Кама идарәче компаниясенә шәһәрдәге йортларның берсен тәртипкә китерү өчен бер ай бирелде

Ай дәвамында идарәче компания Түбән Кама шәһәренең Студентлар урамындагы 9 нчы йортның подъездларын тәртипкә китерергә тиеш. Йортта яшәүчеләрнең берсеннән шикаять килеп, инспектор йортны тикшерде. Нәтиҗә — штраф һәм күрсәтмә.

Тикшерү барышында Татарстан Торак инспекциясе хезмәткәре подъездларда түбәндәге тәртип бозуларны ачыклаган:

• күптән инде ремонт ясалмаган,
• идән плитәләре купкан, 
• почта тартмалары ватылган,
• кабель-каналларның бөтенлеге бозылган,
• чыбыклар эленеп тора,
• тамбур ишегендә пыяла юк. 

Үткәрелгән тикшерү нәтиҗәләре буенча «Жилье» ИК ҖЧҖ идарәче компаниясе директоры Административ хокук бозулар турында РФ кодексының 14.1.3 ст. 2 өлеше буенча административ җаваплылыкка тартылды, 50 мең сум күләмендә штраф салынды.

Идарәче компаниягә ачыкланган хокук бозуларны 27 сентябрьгә кадәр бетерергә кушылды.